قرآن شریف اور تورات شریف میں سے حضرت ابراہیم ؑ کے بارے میں پڑھیں!

تورات شریف کی پہلی کتاب پیدایش 12:1-7

۱)اور خداوند نے ابرام سے کہا کہ تو اپنے وطن اور اپنے ناتے داروں کے بیچ سے اور اپنے باپ کے گھر سے نکل کر اُس ملک میں جا جو میں تجھے دکھاوں گا۔

´ (۲) اور میں تجھے ایک بڑی قوم بناو نگا
اور برکت دوں گا
اور تیرا نام سرفراز کروں گا۔
سو تو باعث برکت ہو!۔
´(۳) جو تجھے مبارک کہیں اُن کو میں برکت دُوں گا
اور جو تجھ پر لعنت کرے اُس پر میں لعنت کرُوں گا
اور زمین کے سب قبیلے تیرے وسیلہ سے برکت پائیں گے۔´

(۴) سو ابرام خداوند کے کہنے کے مطابق چل پڑا اور لوط اُس کے ساتھ گیا اور ابرام پچھتر برس کا تھا جب وہ حاران سے روانہ ہوا۔´ (۵) اور ابرام نے اپنی بیوی ساری اور اپنے بھتیجے لوط کو اور سب مال کو جواُنہوں نے جمع کیا تھا اور اُ ن آدمیوں کو جو اُن کو حاران میں مِل گئے تھے ساتھ لیا اور وہ ملکِ کنعان کو روانہ ہوئے۔ اور ملکِ کنعان میں آئے۔´ (۶) اور ابرام اُس ملک میں سے گذرتا ہوا مقامِ سکم میں مورہ کے بلُوط تک پہنچا۔ اُس وقت ملک میں کنعانی رہتے تھے۔´(۷) تب خداوند نے ابرام کو دکھائی دے کر کہا کہ یہی ملک میں تیری نسل کو دوں گا اور اُس نے وہاں خداوند کے لیے جو اُسے دِکھائی دیا تھا ایک قربان گاہ بنائی۔´

سورة العمران 84:3
کہو کہ ہم خدا پر ایمان لائے اور جو کتاب ہم پر نازل ہوئی اور جو صحیفے ابراہیم ؑ اور اسٰمعیل ؑ اور اسحاق ؑ اور یعقوب ؑ اور اُن کی اولاد پر اُترے اور جو کتابیں موسٰی ؑ اور عیسٰی ؑ اور دوسرے انبیاءکو پروردِگار کی طرف سے ملیں سب پر ایمان لائے ہم ان پیغبروں میں سے کسی میں کچھ فرق نہیں کرتے اور ہم اُسی (خدائے واحد ) کے فرماں بردار ہیں۔´

سورة النساء54:4
یا جو خدا نے لوگوں کو اپنے فضل سے دے رکھا ہے اُس کو حسد کرتے ہیں تو ہم نے خاندان ابراہیم ؑ کو کتاب اور دانائی عنایت فرمائی تھی اور سلطنت عظیم بھی بخشی تھی۔´